قره قیشلاق آدی باره سینده

قره قیشلاق آدی باره سینده

یازار:مهرداد رحمانی اهروانلی

قره قیشلاق Qara qişlaq ؛ قارا قیشلاق یا قره قیشلاق ایندی ایسه سالماسین دوغوغوُندا ، لَکستان محالیندا بیر کَند آدی دیر . بوُ کند تاریخ بویوُندا اوز وئردیغی آجی خاطره لر توسط ایله تانیلیر کی بوُ آجی خاطره لر سیمیتقو آدییلا باغلی دیر . بوُ کندین آدی ایکی حیسه ده ن یارانیب « قره / قارا » و « قیشلاق » . ایکینجی حیسه نین یا همان قیشلاقین آنلامی بوگون بیزیم اوچون داها آیدین و بللی دیر . بوُ آدین معناسی ائللرین قیش فصلینده قالدیقی یئرلر دیر کی ائیله بوُ شَکیلده فارس دیلینه داخل اولوب دوُر . اما « قره / قارا » سؤزی بوگونکی تورک دیلینده ایلک نظرده « سیاه » رنگی نی بیزه خاطیرلاییر اما بوُ آدا ساده جه باخمایاراق بلکه قره قیشلاق – ین معناسی « قیشلاق سیاه » دئییل . قره / قارا رنگی بیزیم اسکی تاریخیمیزده داها آرتیق معناسی و آنلاملاری واردیر و یئنی آریشدرمالار بوُ سؤزون قدمتین سومر مدنیتینه و دیلینه قایتاریر و اوست اوسته تورک – التصاقی دیلینده الیمیزده کی سندلر اساسییندا قارا / قره رنگی « بؤیوک لوک ، چَتینلیک ، و چوخلوُ عظمت » آنلامیندا ایشه گئده ر . بوُ رنگین چای ، دنیز ، داغ ، یاییلاق و . س جغرافی آدلارین اولینه آرتیرماسی اونلارین عظمتین ایفاده ائتمَک اوچون ایشه گئده ر کی چوخلوُ یئر آدلاریندا بوُ مقاما دوغرولاشیریک . مثلاً : قارا باغ [ قره باغ – سالماس ] ، قارا داغ ، قره حاصار ، قره دام ، قره سوُ ،قره قویونلو، و قره قیشلاق [ سالماس ] .

 قایناق:

 فرهنگ تاریخی و تطبیقی زبانهای اورال آلتائیک ، روشن خیاوی ، ص 206